५ माघ, काठमाडौं । गत वैशाखमा नेपालमा ठूलो भुकम्प आएपछि धेरै विदेशीहरुलाई परेको छ, अब नेपाल जानै सकिँदैन ।
क्षतिको परिमाणभन्दा धेरै ठूलो प्रचारवाजी हुँदा विदेशी पर्यटक नेपाल आउन डराएका छन् । फलस्वरुप नेपालको पर्यटन व्यवसाय यो वर्ष धराशयी अवस्थामा छ ।
हालै नेसनल जियोग्राफीक ट्राभलर म्यागजिनले सन् २०१६ मा घुम्नका लागि विश्वका उत्कृष्ट गन्तव्यका सुचीमा नेपाललाई छैटौं स्थानमा राख्यो । यसबाट पर्यटन व्यवसायमा मडारिएको कालो बादल उघ्रिने आशा पलाएको छ ।
नेपाल अझै पनि भ्रमणका लागि उत्तिकै लोभलाग्दो र सुरक्षित छ भन्ने सन्देश एक विदेशी पर्यटक ज्याङ होआङले प्रवाह गरेका छन् । उनले एउटा वेवसाइटमा नेपालका सुन्दर दृष्यावलीहरुको तस्बिर पोस्ट गर्दै सन् २०१६ मा नेपाल भ्रमण गर्न सबैलाई सुझाव दिएका छन् ।
आफूले भुकम्प अघि,भूकम्पको बेला र पछि पनि नेपाल भ्रमण गरेको भन्दै उनले लेखेका छन्-‘तपाईं पनि निर्धक्क भएर नेपाल जानुस, प्रकृतिले पर्खिरहेको छ ।’
उनले आफू फेरि नेपाल जाने उल्लेख गर्दै अरुलाई पनि प्रेरणा दिने प्रयास गरेका छन् ।
जब म नेपाल जान्छु, म स्वतन्त्रताको अनुभूति गर्न सक्छु, प्रकृतिलाई छुन सक्छु
यति सुन्दर पहाडहरु देख्न सक्छु, जून वास्तविक हुन् भनेर पत्याउन पनि कठिन पर्छ
आफ्नो दैनिक रुटिनबाट विश्राम लिन र आफूलाई अन्तरहृदयबाट नियाल्न सक्छ
नेपालका प्रत्येक मौसमको बेग्लै स्वाद लिन सक्छु
खोलाको कलकल आवाजले मनमा हलचल हुन्छ
सुर्यास्तका बेला फेवा तालको चित्ताकर्षक सौन्दर्यको मजा लिन सक्छु
यहाँ हिउँ पग्लिएर बन्ने पानी पिउन सकिन्छ
सबैभन्दा सुरक्षित र अति सुन्दर पदमार्गहरु नेपालमा छन्
आफ्नो हनिमुनलाई स्मरणीय बनाउनका लागि उपयुक्त स्थान, हेर्नुस यो जोडीले कसरी मज्जा लुटिरहेको छ ।
अवरुद्ध रहेका ट्रेकिङ रुटहरु फेरि सुचारु हुँदैछन् र आत्मबल उच्च रहेका नेपालीहरु दह्रोसित खुट्टा टेक्दैछन् ।
नेपालीहरुको अर्थतन्त्रको मुख्य आधार नै पर्यटन हो, यसमा मन्दी आउँदा उनीहरु समस्यामा परेका छन् ।
मलाई पक्का विश्वास छ कि तपाईं नेपाल जानुभयो भने सकारात्मक छाप लिएर मात्रै फर्किनुहुनेछ ।
No comments:
Post a Comment