तलबको भिन्नताले महिलामा डिप्रेसन

शैक्षिक योग्यता तथा कार्यअनुभव बराबरी हुनुको बाबजुत आफ्नो पुरुष सहकर्मीको भन्दा तलब भत्ता कम हुँदा कामकाजी महिलाहरु डिप्रेसनको सिकार हुने सम्भावना बढ्ने अध्ययनले देखाएको छ ।

अमेरिकाको कोलम्बिया विश्वविद्यालयका शोधकर्ताहरुले गरेको अध्ययन अनुसार कार्यक्षेत्र तथा अन्य क्षेत्रमा हुने संरचनागत लैंगिक विभेदले डिप्रेसन र निरासा उत्पन्न गराउने देखाएको छ ।

प्रमुख शोधकर्ता जोनाथन प्लाटका अनुसार निश्चित जागिरमा महिलालाई छनोट गर्ने सामाजिक प्रक्रियाहरुबाट महिलाले आफ्ना पुरुष सहकर्मीको तुलनामा कममार्फत लाभ प्राप्त गर्दछन् जसले लैंगिक विभेदको सिर्जना गर्छ र यसका भौतिक तथा मनोवैज्ञानिक असर हुन्छन् ।

शोधकर्ताहरुका अनुसार पुरुष सहकर्मीको तुलनामा कम तलब भत्ता पाउने महिलाहरुमा पुरुषको तुलनामा डिप्रेसनको दर अढाइ गुणा बढि भएको पाइयो । जबकी पुरुष सहकर्मीको बराबारी वा बढि तलब भत्ता पाउने महिलामा भने डिप्रेसनको दर आम पुरुषको भन्दा बढि थिएन ।

त्यस्तै पुरुष सहकर्मीको भन्दा कम तलबभत्ता हुने महिलामा निरासाको मनोवैज्ञानिक समस्या अर्थात् एनजाइटी डिसअर्डरको दर चार गुणा बढि पाइएको छ ।

शोधकर्ताहरुले सन् २००१ देखि २००२ सम्ममा ३० देखि ६५ वर्ष उमेरका २२ हजार ५८१ जना कामकाजी महिला तथा पुरुषमा अध्ययन गरी संकलन गरेको डाटालाई विश्लेषण गर्दै यस्तो निष्कर्ष निकालेका हुन् ।

शोधकर्ता प्लाटका अनुसार यदि महिलाहरुले पुरुष सहकर्मीको तुलनामा कम तलबका कारण आफ्नो तल्ला स्तर भएको कुरालाई नकारातमक अनुभवको रुपमा ग्रहण गर्दछन् त्यसबाट उनीहरु डिप्रेसन तथा निरासाको समस्याको बढि जोखिममा पर्दछन् ।

यो सम्बन्धी शोध सोसल साइन्स एण्ड मेडिसिन जर्नलमा छापिएको छ । एजेन्सीको सहयोगमा

- See more at: http://www.onlinekhabar.com