सन् २०१५ मा भाइरल बने यी तस्विर र भिडियो

आयलनको फोटो सामाजिक सञ्जालमा भाइरल बनेपछि आप्रवासी समस्याका विषयमा युरोपमा ठूलो बहस भयो । यो फोटो टर्कीका फोटोग्राफर निलोफर डेमिरले २ सेप्टेम्बरमा खिचेका थिए । सामाजिक सञ्चालनमा यो फोटो भाइरल बनेपछि आप्रवासीको विषय अन्तर्राष्टिय बहसको विषय बन्यो ।

भाइरल नम्बर २
इन्टरनेटमा भाइरल बनेको अर्को फोटो हो यो । यि बालिकाले क्यामेरालाई बन्दूक ठानेर हात उठाउँदै आत्मसमपर्ण गरेकी थिइन् । सिरियामा जारी ४ वर्षे लामो द्वन्द्वले बालिबालिकामा कस्तो त्रास फैलाएको छ भन्ने पुष्टि यस फोटोले गरेको छ ।

भाइरल नम्बर ३
भारतीय प्रधानमन्त्री नरेन्द्र मोदीले सेप्टेम्बरमा फेसबुकको केन्द्रिय कार्यालयमा संस्थापक मार्क जुकेनवर्गलाई फोटो खिच्न तानेका थिए । यो भिडियो इन्टरनेटमा भाइरल बन्यो ।

भाइरल नम्बर ४
फिनिस लाइन टच गरेपछि विश्वचर्चित धावक युसेन बोल्ट खुसीयाली मनाउँदै थिए । त्यति नै बेला उनी आफ्नो नजिकै रहेका क्यामेराम्यानसँग ठोक्किएर लडेको तस्विर इन्टरनेटमा भाइरल बन्यो ।

भाइरल नम्बर ५
१ सय १७ वर्षपछि पहिलो पटक अमेरिकाको सबैभन्दा सुरक्षित भनिएको जेलबाट २ कैदी फरार भए । दुबैको भाग्ने तरिका सन् १९९४ मा रिलिज भएको हलिउड फिल्भ द शाशेँक रिडेंप्शनसँग मिल्दोजुल्दो थियो ।